"Bye uncle, maraming salamat po!" Kaway ko sa paalis na sasakyan.
Dahil hindi pa nakakauwi sina Papa at ang kapatid ko ay ang kapatid ni Mama ang naghatid sa akin sa school. Sobrang kaba ko nang tinanong ni Mama kung saan ang dorm ko para mabisita niya daw ako kapag may oras. Mabuti na lang at hindi na siya nangulit nang sinabi kong hindi muna ngayon. Mabuti rin at may naiwan akong uniporme sa bahay, dahil kung wala baka mapilitan akong umuwi sa bahay namin ni Paris.
Napahinto ako sa gate nang makita si Bill na seryosong nakatayo habang nilalaro ang batong maliit ng kanyang paa. Nahinto ito sa kanyang ginagawa nang makita ako.
"Salamat nga pala." Bahagya akong tumalikod upang ipakita sa kanya ang bag ko sa aking likuran.
"Ang alam ng nanay mo na nakatira ka sa dorm dito, at ang buong
