"Ayazairah bilisan mo." Bago pa ako makarating sa kinaroroonan ni Hreidmar ay hinarang na ako ni Fayeth at sinabing tumawag daw si Tita Frydah. Mapang-asar naman akong nginitian ng lalaki bago kami tuluyang lumabas ng classroom. Sa bagal ng paglalakad ko kanina ay hindi ko na naabutan ang teacher namin.
"Bakit tumawag si Tita?" Tanong ko sa kanila nang makasakay na kami sa sasakyan.
“Hindi n'ya sinabi pero pinapauwi agad tayo." Busy sa paglalaro ng apoy si Fayeth habang bumabyahe. Ano naman kayang meron at biglaan kaming pinauwi agad. Madalas kasi na tumatambay pa kaming pito bago dumiretso ng uwi kaya anong oras na kami nakakarating ng bahay.
“Baka kakain tayo sa labas,” halos mapunit ang mukha ni Ariella sa saya. Usapang pagkain naman kasi kaya natural lang na masaya talaga s’ya.
