“Oh, siya! Tara na. Tama na iyang away niyo,”saway ni Morris at sumabit sa akin, “Excited na akong kumain. Kanina pa ako nagugutom.”
“Kailan ba hindi?” Inirapan lamang ni Morris si Athena at na una nang maglakad. Sa kadahilanan na nakayakap ito sa braso ko ay wala akong magawa kung hindi ay magpadala sa kaniyang hila. Marami-rami na rin ang mga estudyante na naglalakad papalabas ng field na ito.
Mabuti na lang at na una kami kaya agad kaming nakalabas sa talon. Doon ko nakita ang napakaraming mga tao. Sa tingin ko ay mga pamilya yata ito ng mga estudyanteng kumuha ng pasulit sa unibersidad.
Pamilya.
Nakangiti naka-abang lamang silang lahat at hinihintay na lumabas ang kanilang mga anak. Kung nandito lang sana ang aking mga magulang ay sigurado, ganiyan din ang kanilang naging reaksiyo
