"ANONG sasabihin mo sa akin?" tanong ko nang makalapit kay Yesxia. Patungo na sana ako ng parking lot ng school nang makatanggap ako ng text mula sa kanya, pinapapunta ako sa waiting shed kung saan kami madalas na naghihintay ng sundo namin.
Tumayo si Yesxia mula sa pagkakaupo para harapin ako.
"Can I ask you a favor?" tanong niya na nagpatigil sa akin. "Puwede bang ikaw muna ang umuwi sa bahay bilang ako? May lakad kasi kami ni Mattrix ngayon."
"That has nothing to do with me," agad kong sabi. "Lumabas kayo ni Mattrix, pero lalabas din ako. Hindi ko puwedeng i-cancel ang lakad ko dahil lang doon."
"Pero baka nakakalimutan mo, magkikita kami ni Mattrix bilang ikaw. Hindi puwedeng dalawa ang Hestia'ng nasa labas."
Tumamad ang mukha ko dahil sa sinabi niya. Alam ko naman ang tungkol sa
