I GOT up from my seat when I heard the bell rang. Kinuha ko ang bag ko at isinukbit ito sa balikat. Nang magpalabas na ng mga estudyante ang adviser namin ay lumabas na rin ako ng classroom. Mainit-init pa ang kumalat na picture ni Yesxia at Mattrix kaya hanggang ngayon ay pinepeste pa rin ako ng mga estudyante dahil sa pag-aakala nilang ako ang babaeng kasama ni Mattrix.
Ang Papa ko naman, kahit galit siya sa akin ay kinausap niya ang adviser ko at and head ng school para ayusin ang nangyaring iskandalo at nang hindi na lumala pa. Masyado niyang iniingatan ang pangalang Mercedes.
Habang naglalakad ay ramdam ko ang pag-vibrate ng phone ko sa loob ng bulsa ng palda ko. Nang kunin ko 'yon para tingnan kung sino ang tumatawag ay napabuntonghininga ako nang tumambad sa akin ang pangalan ni S
