MAYUMI’S POINT OF VIEW
✦
Sobrang lakas ng trip ni Eos pero mabuti na lang na-gets ko kaagad na scripted ang ginagawa ng waitress namin! Aba, isa yata akong production manager at ang mga alaga ko ay mga award-winning actors at actresses; hindi ko mapapatawad ang sarili ko kapag hindi ko kaagad na napansin na acting lang ang lahat ng iyon!
Pero agad ko ring napagtanto na may point siya para gawin iyon. Aminado naman ako sa sinabi niyang mahihirapan siyang makita akong magselos. Hindi ko alam kung bakit sobrang random na gusto niya ako biglang makita na magselos, pero ayos naman na. Malakas lang siguro ang trip niya.
Selosa ako pero hindi warfreak type. Hindi naman ako nandi-discriminate o sa bina-bash ko ang mga taong warfreak type kapag nagseselos, sinasabi ko lang na hindi ako ganoon.
