Mystery
" You can't keep crying forever, Gabriella." Pagkausap ko sa sarili mula sa salamin ng banyo.
Nabuhay ako sa loob ng kwarto ko sa paraang hindi ko alam kung buhay nga ba ang maitatawag ko. Nakakulong lang ako doon, hindi ko alam kung ilang araw o buwan na ang lumipas. Hindi ako lumalabas ng silid ko at pinupuntahan lang ako ng mga katulong doon upang hatiran ng pagkain. Madalas din na naroon si Nanny Alicia at lagi akong sinasamahan at binabantayan habang wala si Zekiyah dahil nag-aaral ito. Madalas din akong bisitahin ni Ate Amber na siyang pinayagan ni Mama na maging kapalit ng doctor ko.
Wala akong ibang kinakausap kundi sina Zekiyah at Ate Amber. Kahit si Nanny Alicia ay hindi ko magawang kausapin. Madalas itong nagsasalita at nagkwekwento tuwing narito ito sa silid ko ngun
