Minabuti niyang isampay na lamang ang mga nilabhan hindi na niya pinansin niyong nakulayan pero sinampay pa rin niya. Bahala na kung ano ang maging reaksyon ni Conran doon. Bahala na kung magalit ito, bakit ba ipinaglaba na nga niya ito magagalit pa.
Kaya hinayaan na lamang niya, meron kasi doon sa laundry room na maaaring pagsampayan. Hindi naman niya alam kung pwedeng magsampay sa labas. Pero may nakita rin siya sa may bandang likuran ng bahay.
Kaya lang minabuti niya na doon na lamang isampay dahil ilang piraso lang naman ang kanyang nilabhan tsaka sa tingin niya konting hangin lang sa mga iyon ay matutuyo na rin.
Napatingin siya sa kanyang orasan, pasado alas dose na pala ng tanghali. Hindi na siya nagluluto ng kanyang pananghalian tama na iyong natirang pagkain kaninang umaga.
