جلس امامها علي احد المقاعد بالمطبخ بعد ان وضع طبق به بعض السندوتشات الخفيفه
- للأسف السندوتشات هي الحاجه الوحيده اللي انا شاطر فيها
فضحكت حياه وهي تلتقط واحداً وتقضمه بجوع
- طعمه جميل
فطالعها عمران وهو يلتهم واحداً
- اكيد لازم يبقي طعمه جميل
فضحكت ليضحك هو الاخر : مغرور !
ليضم عمران حاجبيه وبجديه مصطنعه
- اسمها ثقه
وضحكوا مجدداً .. لتنظر اليه بتمعن
- ما انت بتضحك اه عادي .. ليه ديما مكشر
وبدأت ترسم ملامحه عندما يكون عابس الوجه
فأبتسم عمران وهو يلتقط أحد المناديل ليمسح فمه
- شكلك عجبك وشي التاني
وعندما عادت ملامحه للعبوس .. وضحكت وهي تنهض
- لاء خلاص انت حلو كده
ووقفت علي قدميها وبحركه عفويه قرصة وجنتيه
- أضحك الصوره تطلع حلوه
لم يعرف عمران ايضحك ام يُعنفها ام شئ اخر بدء قلبه يريده بشده
وتأمل شفتيها وأبتلع ريقه وهو يراها تبتعد عنه وتبتسم
- هرجع اوضتي بقي ع
