Sabina
HINDI AKO makahinga. Nagmamakaawa ako sa kanya na huwag gawin ito sa akin. Akala ko ba mabait siya sa akin? Akala ko ba ay kakampi ko siya? Bakit niya ito ginagawa?
“Ayoko riyan! Masikip at madilim diyan.” Iyon ang naalala kong sinabi ko sa kanya.
“Kapag hindi mo ako sinunod, makukuha ka nila sa amin. Gusto mo bang mapahiwalay sa akin? Akala ko ba nagtitiwala ka? Pamilya tayo, hindi ba?”
Nanginginig ang katawan ko pero dahil ayokong magtampo siya sa akin o isipin niya na wala akong tiwala sa kanya ay sinunod ko ang gusto niya.
Ayoko na pati siya ay magalit at layuan ako. Siya lang ang mayroon ako ngayon.
Matapos kong gawin ang gusto niya, ang huling naalala ko ay hindi na ako makahinga.
“Tulong! Tulong!” sigaw ko subalit tila walang nakakarinig. “Tulungan ninyo po ako, ayokon
