Pagdating ng kalagitnaan ng gabi ay nagtungo ako sa isang abandonadong warehouse na nakatago sa dulong parte ng Laguna. Ayon kasi sa hawak na impormasyon ni Leah, ang abandonadong warehouse na ito ay isa sa mga hinihinalaang kuta ng grupong RANCOR.
Ilang beses na nga sinubukan ng PIA na pasukin ang lugar na ito para maimbestigahan ngunit ang mga agent na pinapunta nila ay hindi na nagagawa pang makabalik. Ni wala nga silang ideya kung mga buhay pa ba ito o kaya bihag lang kung saan.
Kaya dalawa lang ang maaaring dahilan, tunay na kuta ito ng RANCOR o isa itong lugar para i-trap ng grupo ang mga kalaban nilang agent.
Doon pa lang ay alam ko na isang malaking sugal ang pasukin ang lugar na ito. Ngunit talagang kailangan na alamin ko ang totoong mayroon sa lugar para na rin makakuha ng im
