"Dito nalang muna tayo magpapalipas ng gabi. Pagod akong mag-drive. Pumili ka nalang ng kwarto sa taas na tutulugan mo," saad ni Mike sa dalaga. Nauna nang natapos sa pagkain si Mike at tinungo ang living room para manood ng magandang palabas. Tahimik lang si Levi. Nang matapos siya sa pagkain, siya na ang nagligpit ng pinagkainan nila at naghugas ng mga pinggan.
Lumapit si Levi sa kinaroroonan ng binata, pero mas pinili niyang maupo sa kabilang gilid ng couch na naroon. Napasulyap sa kanya ang binata. Seryoso pa rin ang mukha nito. Gusto niya sanang lambingin, kaya lang, baka isipin nitong gusto niyang may mangyari sa kanila. Kaya mas minabuti niyang manood na lang din muna ng palabas. Hindi pa na man siya inaantok.
"Natawagan mo na ba sina Tita, na nandito tayo sa bahay na ini-regalo
