EDNALYN
Katatapos ko lang magbihis ng bumukas ang pinto at paglingon ko si Tobias ang pumasok. Umupo ako sa kama at ngumiti ako rito kapagkuwan ay kinawayan ito na lumapit siya sa akin.
Tahimik naman itong lumakad papalapit. Habang ako ay lihim na kinakabahan. Malalim akong napa buntong hinga dahil nahihirapan ako ng ganitong sitwasyon. Hindi ko alam kung saan ako mag-uumpisang magtanong sa anak ko.
Nang makarating ito sa tabi ko ay niyakap ko ito sa baywang at iniupo ko sa hita ko. Hinaplos ko pa ang mukha niya habang pinagmamasdan ito. Xerox copy talaga ito sa ama. Kaya kung sa labas kami hindi nakapagtataka kung mapansin agad iyon ng tao dahil kinuha lahat kay Sir Everette, walang nakuha sa akin.
“Kuya Tobias, may problema po ba tayo?” malumanay kong tanong sa kaniya. Napangiwi ako
