EDNALYN
“Ingat kayo guys. Salamat sa pagtanggap n'yo sa akin sa table n'yo,” ani ko sa kanila isa-isa. Nakilala ko na lahat ang kasama ni Merlyn sa accounting team. Hindi nga ako nagkamali sa pagkilatis sa kanila na madali silang pakisamahan.
Natapos ang party ng 11:30 ng gabi. Magkasabay ulit kami na magkaibigan na uuwi. Nag-aabang na kami ng taxi ng tumigil sa harapan namin ang kotse ni Sir Rennier. Binaba nito ang salamin sa bintana sa side ng driver seat kung saan ito nakaupo.
“Girls sa akin na kayo sumabay,” aniya pa ngunit mas lamang sa kaibigan ko ang tingin niya.
“Wala ho kayo kasabay, Sir?” ani ko.
“Kayo lang kung sakali,” biro na sagot niya sa akin. Hinila ako sa daliri ko ni Merlyn. Tumingin ako rito.
“Hindi na magtaxi na lang tayo,” bulong nito.
“Ano ka ba, Beshy? Si Sir
