EDNALYN
Nang binabagtas na namin ang patungo sa Savemore badtrip pa rin ako dahil sa nangyari sa office kanina. Hindi na rin kasi bumalik si sir Everette ng umalis na magkasama si impaktang Lucinda.
Tatawagan ko sana bago ako mag-out subalit nadadaig ako ng hiya at inis, kaya hindi nito alam na pagdating ng 5 o'clock ng hapon. Mabilis din akong nag-out.
Tama lang din naman at hindi rin nag overtime si Merlyn. Nagpaalam kay Sir Rennier ang pakipot kong kaibigan na hindi raw siya mago-overtime after namin mag-usap sa telepono. Ang ending tuloy. Hindi rin nag-overtime si Sir Rennier. Dinala na lang sa bahay niya ang hindi natapos na trabaho. Sa kagustuhang maihatid lang kami ni Merlyn sa grocery store. Sakto raw dahil kailangan din nitong maagang umuwi kasi meron yatang padating na bisita
