TINAWAGAN ako ni Jeff bago mag-alas cinco ng hapon. May dadaanan lang daw siya at pagkatapos ay susunduin na niya ako.
“Take your time. May tinatapos pa ako at baka pasado alas siete na ako makalabas ng office. Kapag wala ka pa ay magta-taxi na lang ako.”
“Sandali lang ako roon, Annie. Susunduin kita. Tatawag ako kapag nasa basement na’ko.”
“Okay.”
Pagkatapos naming mag-usap ay hindi na ako nakapagtrabaho nang derecho. Naalala ko ang pagtatalo namin kaninang umaga. I realized na hindi lang sa kaniya ang problema kundi nasa akin din. Kung nag-sorry siya sa inasal niya, dapat ay mag-sorry din ako dahil pinangunahan ko si Jeff.
He’s right. Alam kong may gusto si Trisha sa kaniya. Hindi lang dahil nahalata ko iyon kundi inamin mismo sa akin ng pamangkin ni Lulu.
Parang ibinenta ko nga
