“ABSENT si Lulu?” tanong ko kay Yunna nang makaharap ko siya at hanapin ko ang boss niya.
“Yes, Miss Annie. Nag-message siya sa akin at sinabing hindi siya makakapasok.”
Tumango ako. “Okay, Yunna. Salamat.”
Bumalik na ulit ako sa office ko dala ang posters at handouts na ipapakita ko sana kay Lulu. Mamayang after lunch ang presentation ko kay Mr. Velasco at gusto kong makuha ang opinyon niya.
Naupo ako at kinuha ang cellphone ko upang matawagan si Lulu. I am worried about her. Hindi man lang siya nag-text sa akin na hindi siya papasok. Nakakapag-alala dahil lagi naman niya akong tinatawagan para magsabi ng kung anuman.
Unattended ang numero niya. Lalo akong nag-alala. Ano kaya ang nangyari?
I think twice of going to Trisha. Itatanong ko lang sana kung alam niya kung bakit hindi pumas
