Pagod ang katawan na dumiretso si Alison sa kwarto ng kambal pagkatapos sabihin ni Amelia na tapos nang maligo ang mga ito at nakahanda na para matulog. Hindi na rin siya nakasabay sa hapunan sa mga ito dahil kinailangan niyang mag-overtime para sa paghahanda sa nalalapit na event.
Naabutan niya na naglalaro si Dyxee ng dollhouse nito samantalang si Dylan naman ay gulat na biglang itinago sa likod ang hawak na tablet.
“Mommy!” masayang tawag ni Dyxee na agad na sumalubong sa kanya. Yumakap ito at humalik sa kanya.
Binuhat naman niya ito saka hinalikan sa magkabilang pisngi. “How’s your day, baby?” malambing niyang tanong saka sinalubong ang halik ni Dylan sa pisngi niya.
“Ok lang po but Dylan is busy the whole day.”
Bumaling siya ng tingin kay Dylan na naabutan pa niyang pinanlalakiha
