“Tita, kayo na po ang bahala sa kambal, ha?” sigaw na paalam niya sa tiyahin habang isinusukbit ang bag sa balikat at isa-isang hinahalikan ang mga anak.
Mabilis na lumipas ang limang taon. Isa na siyang assistant head chef sa isa sa mga malalaking hotel sa Japan. Malalaki na rin at malulusog ang kambal niyang sina Dylan at Dyxee.
“Mommy, what time ka uuwi?” nakangusong tanong ni Dyxee na hindi inaalis ang yakap sa leeg niya.
Hinagod niya ang likod nito para amuin. Madalas kasi itong umiyak tuwing aalis siya para pumasok sa trabaho na laging kinokontra ng kakambal nitong si Dylan na laging naiinis kapag nagta-tantrums ang kakambal.
“You’re always like that, Dyxee. Mommy will work, ok? Come here, I’ll play with you,” sabi nito na kinuha ang remote control ng sasakyan niya.
“I don’t wa
