Nahigit ko ang aking hininga nang magtama ang aming mga mata. Doon ko napansin ang kaniyang pagka seryoso na para bang kanina pa siya naghihintay rito.
“Saan ka nanggaling?” tanong niya sa akin at tumayo.
Tila natuod naman ako sa aking kinatatayuan at hindi magawang maisara ang pinto ng aking condo. Sinubukan ko ring ibuka ang aking labi ngunit kaagad ko ring naisara dahil walang lumalabas na salita sa aking bibig.
Unti-unti siyang lumapit sa akin nang hindi man lang pinuputol ang aming titigan. “Got your tongue cut?”
Napalunok ako nang umangat ang kaniyang labi na para bang tuwang-tuwa sa kaniyang nakikita.
Bakit ako kinakabahan?
“H-hindi,” nauutal kong sagot. Pasimple naman akong humugot nang malalim na hininga upang pakalmahan ang aking sarili. “Hindi.”
“Saan ka nga nagpunta, Cai
