Kabanata 9
“Mag-iingat ka, Lalaine. Sumulat ka sa amin, ha?” pagdadrama ni Felice na habang nakayakap sa mga braso ko. Napailing na lang ako sa kanya dahil para talagang mag-a-abroad ako. “Ikaw na ang bahalang gumapang sa kambal para sa akin,” dagdag niya pa ang inginudngod ang mukha sa balikat ko. “Siguraduhin mong may mabibingwit ka kahit na isa lang sa kan—aray!” Hindi niya natapos ang sinasabi niya nang hatakin ni Sarah ang buhok niya.
“Kung ano-anong sinasabi mo,” walang emosyon niyang sabi bago siya tumingin sa akin. “Basta, huwag mong hahayaan ang dalawang ‘yon na api-apihin ka,” bilin niya sa akin bago hinila si Felice palayo sa akin. “Bumitaw ka na at baka mahawa pa si Lalaine sa pagkakerengkeng mo.”
“Aba mas mabuti na ‘yon kaysa mahawa siya sa ‘yo,” hirit ni Felice at inirapan
