Hindi nagtagal ay natapos na rin kaming magkaibigan na kumain dito sa canteen, at maya-maya ay nagkaayaan na rin kaming umuwi ni Alfred.
Naglalakad kami ni Alfred dito sa hallway patungong gate two nang biglang magsalita si Alfred.
"Siyang pala, Adrian, hindi ba natin kikitain si Mrs. Reynoso?"
Umiling ako bilang tugon sa aking kaibigan.
"Adrian, wala ka ba talagang balak na kausapin siya? Para magkaliwanagan kayong dalawa?" muling tanong sa akin ni Alfred.
Muli akong umiling. "Alfred, hindi na namin kailangan pang mag-usap ni Mrs. Reynoso. Basta tanging si nanay lang ang paniniwalaan ko," mga salitang lumabas sa labi ko.
Buo na ang desisyon ko na huwag nang muling makipaglapit sa taong naging dahilan nang pagkawala ng aking ama. Ang paglalaanan ko ng oras ngayon ay ang pagpasok sa
