"Good morning," alanganin na bati ko kay Chandrei pagdating ko sa kusina at saglit na lumingon siya sa direksyon ko.
"Good morning," tugon niya habang abala sa pagluluto ng almusal.
Akala ko ay mas una pa ako magising sa kanya. Inagapan ko na nga pero mas maaga pa rin si Chandrei sa akin. Hindi na kami nagkita kagabi pag-uwi ko dahil wala pa siya pagdating ko sa bahay. Hindi ko alam kung anong oras na siya dumating pero siguradong late na dahil late na ako nakatulog. Hinatid ako ni Georgina dahil iyon daw ang bilin ni Chandrei. Gusto ko sana siya tawagan para alamin kung nasaan na siya pero pinigilan ko ang sarili ko. Naisip ko kasi na wala naman ako karapatan na tanungin siya kung nasaan ba siya, sino ang kasama niya at ano ang ginagawa niya. Hanggang maari ay pinipigilan ko ang sarili
