Nagising ako dahil sa ingay na naririnig ko mula sa labas ng kwarto ko. Sa una ay akala ko panaginip lang ang lahat pero narinig ko ang pagbubukas ng pinto. Minulat ko ang mga mata ko at nakita ko si Denver patakbo papunta sa kama ko. Kasunod niya si Denise na dahan-dahan naglalakad papalapit sa amin. Agad na umakyat si Denver sa kama ko at niyakap ako. Hinintay ko naman si Denise na lumapit sa amin at binuhat ko paakyat sa kama ko.
"Ano ang ginagawa ng mga baby ko rito?" nanggigil na tanong ko habang hinalikan ko sa pisngi ang dalawa.
Panay ang tawa ng dalawang bata habang hinahalikan ko ang mga ito. Nagpupumiglas ang dalawa pero mas yinakap ko pa sila ng mahigpit.
"Ayaw ko na po Tita Ganda, please let me go," humahagikgik na sabi ni Denver at pinagpatuloy ko lang.
"Nasaan ang Mama
