TIFFANY
"Hi, Ma!" bungad niya sa ina nang makapasok sa sala. Agad na luminga at hinanap si Catie.
"O, anak, nariyan ka na pala!" nag-angat ito ng mata mula sa gi-na-gantsilyo para abutin ang kamay niyang mag-ma-mano rito.
"Where's Catie po?" Pahinamad na umupo siya sa katapat na upuan ng ina.
"Sinama ng Papa mo sa kabila. Makikipaglaro raw kay Ariane."
"Kanina pa po ba?" tanong niya habang nagtatanggal ng sapatos.
"Medyo. Teka, kumusta ang meeting mo?"
"Okay, Ma. Nakuha ko sila. Ako na ang supplier nila," walang anumang sagot niya.
"E, bakit ganyan ang mukha mo? Walang kasaya-saya! Sabi mo big client ito hindi ba?" nakataas ang isang kilay na tanong pa ng Mama niya. Panandalian siyang natahimik. Iniisip kung kailangan pa ba niyang sabihin sa ina ang nakita pero batid niyang hind
