MATAPOS ang pag-u-usap nilang iyon ay nagpaalam na rin si Zach. Kinausap nito ang anak nila at sinabing bibisitahin itong muli sa susunod na linggo. Hinatid niya ito hanggang sa labasan.
"Maraming salamat sa kapatawaran mo, Tif," anito nang huminto sila sa tapat ng kotse. Hindi ito kaagad lumulan bagkus ay namulsa at nag-buntung hininga.
"Kalimutan na natin 'yon, Zach. Ang importante ngayon ay si Catie."
"I'm really sorry, Tiffany. Hindi mo alam kung gaano ako nagsisisi dahil sa nagawa ko. Kung maibabalik ko lang sana ang oras, hinding-hindi ko gagawin ang matukso. Mahal na mahal ko kayo ni Catie," nagsusumamong ani Zach. Ramdam niya ang katotohan sa lahat ng sinabi nito pero talagang wala na siyang makapa sa dibdib. Aywan niya pero awa ang nanaig sa kanya para sa asawa. Niyakap niya
