ARNIE
"Good morning, Ma," masayang bati ni Arnie sa ina nang maabutan itong nag-a-almusal kinabukasan. Isang halik sa pisngi nito ang kanyang ginawa. Nakabihis na siya ng pang-opisina at pumipito pa bago okupahin ang upuang katapat ng ina.
"Good morning, son. Mukhang masaya ka, ah!" Binitiwan nito ang kubyertos at hinarap siya.
"Ma, alam mo naman kung sino ang nakakapag-pasaya sa akin hindi ba?" tila nakalutang sa ulap na sabi niya. Sa isip ay inaalala ang magandang mukha ni Tiffany.
"Oo nga pala, kumusta ang weekend mo with her?" alam ng ina ang pagpunta nila sa kanilang resthouse sa Tagaytay at suportado nito ang lakad nilang iyon.
"Great, Ma. I confessed to her already."
"R-really? O, e, kumusta? Ano'ng reaksyon ni Tiffany?" nakangiting tanong nito na halatang excited sa sasab
