Alas dos ng hapon nang magising siya ngunit hindi pa rin bumabalik si Pen-Pen. Saglit pa siyang naghintay habang inaayos ang sarili ngunit nainip din siya kaya binuksan niya ang pinto at lumabas ng silid. Naglakad-lakad siya sa labas nang maya-maya ay mamataan na ang kaibigan. Lakad-takbo ang ginawa nito para malapitan siya kaagad.
"Kanina ka pa gising?" nakangiting bungad nito sa kanya.
"Hindi naman masyado. Ikaw, mukhang malayo ang narating mo at nag-enjoy ka, ah," tudyo niya rito.
"Sa poolside lang ako galing. Gusto ko sanang mag-swimming kaso boring naman kung ako lang mag-isa."
"Sus! Kunwari ka pa. If I know kaya ka lang galing doon ay nag-fiesta ka sa mga katawan ng lalaking naroon!"
"Uy, hindi kaya! Totoo nga, gusto ko sanang maligo. Nainitan ako bigla nung makita ko 'yung p
