Mag aalas diyes na ako nagising kinabukasan. Hindi ko na matandaan kung anong oras ako nakatulog kagabi pero sigurado akong madaling araw na. Pagkatapos kong maglinis ng katawan at makapagbihis ay bumaba na ako ng bahay.
Inaasahan ko na ang maingay na kapaligiran. At tuwina'y boses ni Mommy ang nauulanigan ko mula pa lang sa landing ng hagdan namin.
Naabutan ko ito sa lawn na nagbibigay ng instructions sa mga taong ni-hire niya. Gusto kong umirap sa pagiging masigasig nito para sa kaarawan ko ngunit naiintindihan kong ganun nga siguro ang pagiging ina. May mga plastic tables and chairs akong nakikita na maayos ng nakahanay sa paligid.
Naglalagay din ang iba ng mga bulaklak sa mga sulok ng lawn. At may nakita pa akong tarpaulin sa gitna ng pader namin. Gosh!
"Mom, an
