Chapter 32
Mas binilisan namin at napansin kong umakbay nasa'kin si JC para mas magkasiya kami sa payong
Biglang bumilis ang t***k ng puso ko ng mas mapadikit ako sa kanya...
Napansin kong nagkatinginan kami.
Nagkangitian...
Nagkatitigan...
Unti-unti napansin kong bahagya siyang yumukod na animo
hahalikan ako.
Animo may magneto na humila sa mga mata ko para pumikit at hintayin ang paglapat ng mga labi niya.
Tila natauhan kami ng may gumuhit na matalim na kidlat sa kalangitan.
"Kabayong bundat!" bulalas ko at napasiksik kay JC.
Natawa siya.
"Halika na. Bilisan na natin. Baka tamaan pa tayo!" yakag niya kaya mas binilisan na namin ang mga hakbang.
Pero ramdam ko pa rin ang mabibilis na pagpintig ng puso ko...
Tama ba yung muntik ng maganap kanina?
Magpapahalik ako sa kanya?
