Chapter 38
Kinaumagahan kinakabahang bumaba ako.
Hindi ko na talaga alam kung paano ko pa haharapin ang mokong na si JC.
Napakunot noo pa ko ng makarinig ng tila nagtatawanan sa kumedor.
Nabungaran ko si JC na kausap si Papa.
Parang aliw na aliw si Papa sa kanya.
Ngayon ko lang ulit siya nakitang tumawa ng ganun.
Mukhang pati si Papa nakuha ni JC ang loob.
"O anak nandiyan ka na pala. Tamang-tama kaluluto lang ni Karing. Maupo ka na para makapag-agahan na tayo." yakag ni Papa.
"Good morning." nakangiting bati ni JC .
Napaiwas ako ng tingin.
Hindi mapigiling magwala na naman ng puso ko.
"Dito ka na." dugtong pa niya at ipinaghila ako ng upuan sa tabi niya.
Napilitan akong umupo.
Ayokong may makahalata sa pagkailang ko sa kanya.
Naantala kami sa pag-aagahan ng tawagin ako ni N
