Seven years later....
San Nicolas
"Anak, hindi mo naman kailangang gawin iyan. May kaunting kinikita pa naman ang sakahan natin." Umiling-iling si Aling Lilia sa anak dahil sa pagtutol.
Nagpaalam naman kasing mangibang-bansa raw ang kaisa-isa nilang anak. Hindi naman sa ayaw niya itong aalis dahil sa katunayan ay marami rin ang nagtatagumpay sa ibang bansa. Marami ring hindi pinapalad. Subalit mas natatakot siya sa maaaring mangyari rito. Kailanman ay hindi ito nawalay sa piling nila, magkakasama sila sa hirap at ginhawa.
"Inay, sorry po. Kung gagawin ko ito ngunit wala na tayong ibang pagpipilian kundi ang paglayo ko. Sa gagawin kong ito ay may mapagkukunan tayo ng mas malaking pera. Ayoko po kasing lagi tayong inaapi ng mga tao. Kung hindi man tayo kinukutya ay para naman tayong m
