Gusto kong matawa nang matapos i-annouce kung sino ang mga nakapasok sa audition at hindi. Siyempre, may suki kami na laging bagsak. Walang iba, kung hindi ang best friend ni Lorraine na si Lavinia ang maldita dito sa buong school na kung tawagin ng iba’y black bird ng AMIS.
Siyempre katulad nang gawain naming tuwing hapon ay sabay-sabay kami na maglalakad ngayon at makakasama naming si Abby ngayon sa paglalakad. Simula nang maging cheer leader si Abby ay nakakasama na namin siya sa paglalakad tuwing hapon. At nakakasama na rin naming siya na tumambay sa Rizal Park kung saan malapit ito sa munisipyo. Katulad nang inaasahan ko ay kasabay namin sina Charles, pati na rin sina Nathan, at Lorraine.
Habang naglalakad kami ay nagsalita si Nathan. "Mga p’re, meryenda muna tayo sa bandstand," pa
