"Abby, tinatanong pa ba 'yon? Siyempre, nakuha ka na siguro ni Charles. Kaya hindi ka na niya pinapansin ngayon!" mabilis na tugon ni Cathy kay Abby.
Ngumiti nang pilit si Abby at muling nagsalita. "Para sabihin ko sa 'yo. . .Walang nangyari sa amin ni Charles! Kaya ayusin mo 'yang bibig mo!" galit na pahayag ni Abby na tinawanan lang nina Cathy, Lavinia, Yvette, Lexy, at Mayen.
Tumingin ako kay Cathy at galit ko siyang hinarap. "Cathy, wala ba talaga kayong sasabihin na matino?! Wala ba talaga kayong alam kung 'di ang mang-asar ng kapwa n'yo?!" galit kong tanong kay Cathy.
Hinarap ako ni Cathy. "Joyce, sinasabi ko lang naman ang totoo! Eh, bakit iniiwasan na si Abby ni Charles? Kung walang nangyari sa kanilang dalawa?" balik na tanong ni Cathy sa akin.
Napailing na lang ako dahil mu
