Habang nag-iinuman sina Nathan ay hindi ako patahimikin ng isip ko na tanungin sila kung nasaan bat alaga si Carlo at hindi pa nadating.
“Papa Nathan, sabihin mo nga sa akin ang totoo! Bakit hindi n’yo kasama na dumating si Carlo? At nasaan ba siya?” sunod-sunod kong tanong kay Nathan.
Nagtinginan ang magkakaibigan at ang lahat ay tinanguan si Nathan bilang senyales na sagutin ang aking tanong.
Huminga muna nang malalim si Nathan bago magsalita. “Joyce, hindi namin siya kasamang umuwi ngayon. Baka bukas pa siya makauwi kapag hindi siya nakauwi ngayon gabi,” diretsong sagot ni Nathan sa akin.
“Gano’n ba? Pero bakit hindi pa siya sumabay sa inyo?”
Tumingin si Nathan sa akin. “May inihahatid siya sa airport,” muling sabi ni Nathan.
“Inihahatid sa airport? Sino naman ‘yon?’’ muling tano
