CHAPTER 10
NATIGIL SA PAGSASALITA si Aleli nang mapansing nakatitig nang matiim si Nanay Pacing sa kaniya. Tila ba sinusuri nito ang pagkatao niya sa paraan ng pagtitig nito.
Kasalukuyan silang nasa kusina. Naisip niya kagabi na ipagluto ng tanghalian si Clark. Tinutulungan siyani Nanay Pacing sa paghahanda ng mga sangkap sa lulutuing Bulalo.
Napayuko siya.
Pagkuwa'y narinig ang pagbuntong-hininga ng matanda.
“ Kailan pa kayo nagkakilala ni Clark, hija? ”
Napakunot-noo siya sa hina ng boses nito. Lumingon pa ito sa pintuan ng kusina. Mukhang natatakot na baka may makarinig sa usapan nila.
“ Ahm, magdadalawang linggo pa lang po, 'Nay. B-bakit ho? ”
Umiling ang matanda at ipinagpatuloy ang paghuhugas ng mga gulay.
“ Wala naman, hija. M-masaya lang ako para sa batang iyon. Sa
