HALOS kinse minutos din ang nilakad nila bago narating ang talon. Pinabalik na ni Clark ang matandang katiwala sa resort na naghatid sa kanila dahil may mahalaga itong ipinagawa rito.
Isa pa, gusto niyang masarili sa lugar na iyon si Aleli. Gusto niyang sila lang dalawa sa tagong lugar na iyon. Nasa gitna sila ng pinakagubat ng resort. Maganda ang lugar, tahimik, at perpektong taguan ng magsing-irog. Like them. It was a perfect place for Adan and Eve.
Ilang sandali pa'y magkahawak-kamay na silang lumusong sa tubig. Animo mga batang nagsasabuyan ng tubig at naghahabulan sa paglangoy.
"Huli ka!" Si Clark sabay hapit sa baywang ni Aleli nang mahabol ang dalaga malapit sa malaking bato. Malapit iyon sa binabagsakan ng tubig. Sa ingay ng tubig ay hindi sila gaanong magkarinigan kaya naman p
