Masayang kasama ang mga kasamahan namin sa office at hindi nila hinayaang maramdaman namin na mga trainee lang kami. Ibang-iba din 'yong ugali nila sa office at sa labas. Medyo seryoso sila kapag nasa oras ng trabaho, pero ngayon ay parang kalog silang lahat. Si ate Louella lang yata 'yong kahit nasa office, kalog talaga at madaldal kung minsan. Kahit si Ma'am Nadia na mukhang strict ay nakikisabay sa mga biruan ngayon.
Pero siyempre, kapansin-pansin pa din 'yong kakaibang pakikitungo nila kay Kairos. Siya lang yata 'yong hindi nila mabiro dito kahit na mukhang ayos naman sa kaniya. Naka-upo ito sa tabi ni Ma'am Nadia habang nakikinig usapan.
"Lipat tayo sa Nightlife, Ma'am," anyaya ni kuya Ben kay Ma'am Nadia. "Walang tama 'yong beer-beer lang." Umiling ito saka kinuha ang beer sa harap
