Isang malaking buntong-hininga ang pinakawalan ko habang nakasakay sa Jeep kasama si Jeric. Sumabay na lang ako sa kaniya dahil ayoko nang hintayin na sunduin pa ako ni Mishari. O baka nga hindi ako sunduin no'n, eh. Baka abala 'yon kay Laureen at sa kung ano man ang ginagawa nila.
Mukhang nakalimutan niya na issue sa akin si Laureen. O baka akala niya ay hindi ko malalaman ang pinaggagagawa niya do'n? Ang sabi niya ay hindi siya gagawa ng puwede naming ikasira, ngunit kinain na yata niyang lahat iyon.
Ngayon ay napapa-isip ako sa kung ilang beses na ba niyang inayang kumain sa labas si Laureen simula nang mag-start ang OJT namin? Pinipilit kong iwasan ang pagtatanong tungkol sa ex niya dahil may tiwala ako sa kaniya at sinigurado naman niya sa akin na wala na si Laureen sa kaniya, subal
