Inip na inip ang pakiramdam ko habang pinapanood ang trainer ko sa ginagawa niya. Kung mahihila ko lang talaga ang oras, kanina ko pa ginawa para lang makalabas na ako dito.
Paminsan-minsan din akong dinadalaw ng antok dala nang lamig ng temperatura dito sa loob at bukod pa do'n, wala naman akong ginagawa kung hindi ang tumunganga lang kay ate Louella. Pero kapag pumapasok sa utak ko ang naging pag-uusap namin ni Mishari Hizon, nabubuhay ang katawang lupa ko. Kung puwede lang talagang umalis na dito at umuwi na, hindi ako magda-dalawang isip na gawin 'yon.
"Ate, can we use phone here?" Tanong ko sa trainer ko.
"Yup. Pero 'wag ka lang pahuhuli kay Ma'am Nadia." Ngumiti ito.
Inisip ko munang mabuti kung ilalabas ko ba ang phone ko mula sa bag o hindi. At napagdesisyonan ko na 'wag na lan
