Marami na ang tao sa loob ng club nang dumating kami ni Mishari. Halos mapuno na ang mga table dito sa mga party goers ngayong gabi. Siguro dahil weekends na kaya halos magbanggaan na lamang ang mga tao dito.
Iniilag nga ako ni Ari sa mga tao na walang pakialam sa kung sino ang mababangga nila. Para ba akong isang babasaging gamit para sa kaniya.
At naiilang din ako dito sa suot ko na black spaghetti strap dress. Hindi naman ito maiksi dahil hanggang sa ibabaw naman ng tuhod ang haba nito, ngunit dahil hindi naman talaga ako sanay magsuot ng ganito, pakiramdam ko ay laging umaangat ang laylayan nitong suot ko sa tuwing humahakbang ako.
Hindi naman kasi ako puwedeng mag-jeans at t-shirts dahil may dress code itong club na pinuntahan nila. Dapat talaga ay pang-party ang suot mo dito dahil
