Naka-upo ako sa harapan ng table ng manager nitong cafe habang binabasa niya ang resignation letter ko. Ayokong gawin ito ngunit pakiramdam ko ay kailangan ko nang mag-resign ngayon.
Hindi dahil sinabi nila. Kundi dahil feeling ko ay napapabayaan ko na ang trabaho ko. Binabayaran nila ako ng maayos pero parang kulang ang serbisyong binibigay ko dito. Hindi ko na nagagampanan ng maayos ang tungkulin ko. Hindi naman pwedeng sa bawat may lakad kami ay isasakripisyo ko ang trabaho. Ayoko ng ganoon. Ayokong maging iresponsableng empleyado.
"Bakit ngayon, Jillian? At sigurado ka na ba?" Tanong ng manager. Mabait ito kumpara doon sa isa. Siya ang masasabi kong epitome ng isang tunay na leader. Hindi porket mataas 'yong posisyon niya, eh mababa na 'yong tingin niya sa mga tao niya, no. She's lik
