Ilang araw na ang lumipas, ngunit wala pa ding paramdam si Ari. Ang tagal-tagal niyang magpalipas ng sama ng loob. Sobrang tagal! Hindi ako kumportable sa nararamdaman ko dahil hindi ko alam kung nasaan siya ngayon. Ni wala kaming masagap na ano mang balita tungkol sakanya!
Kung sana ay sinabi niya sa akin kung saan siya pupunta, siguro ay hindi ganito ang nararamdaman ko ngayon. Noong pinapanood ko siyang naglalakad palabas ng bahay nila ay napagtanto ko na handa ko nang talikuran ang lahat para sa aming dalawa - para sakanya.
Pero ngayon, kahit gusto kong sumama sakanya ay hindi ko magawa dahil wala akong ideya kung nasaan siya. Kung sakali man na magpakita siya sa akin ngayong araw na ito at sasabihin niyang kukunin na niya ako, hindi ko na tatanggihan iyon.
Bumuntong-hininga ako at
