"Grabeng laki, `no? Parang hindi na magkasya sa gate," pagbubulungan ng mga babaeng estudyante nang makarating sila ni Jakob sa gate ng kanilang school na New Havens' Academy-isa iyong exclusive school na hindi gaanong kamahalan.
Sa halos araw-araw na lang na ginawa ng Diyos ay iyon ang naririnig niyang bukambibig ng mga tao. Mabuti na lang at may takot siya sa Diyos kaya ayaw niyang patulan ang kababawan ng mga ito.
Si Jakob pa nga itong madalas na mag-react. "Wait lang at lalapitan ko ang mga `yon." Pero kaagad niya itong hinila pabalik.
Sikat na campus heartrob ang bestfriend niya dahil sa galing nitong maglaro ng football bilang goalkeeper. Kaya hangga't maaari ay ayaw na niyang dungisan pa ang kasikatan nito nang dahil lang sa pagtatanggol sa kaniya.
"Hayaan mo na lang. Magsasawa
