National holiday nong araw na 'yon kaya walang pasok. Naisip ni Kathleen na samantalahin iyon para makipagbati kay Jakob. Simula kasi noong huli silang nagkausap ay kibuin-dili na siya ng binatilyo. Hindi niya alam ang eksakto nitong dahilan para magtampo sa kaniya. Pero ganon pa man ay susuyuin pa rin niya ito.
Hindi siya sanay na lumilipas ang araw ng hindi sila nagkakausap. Tutal naman ay palagi namang si Jakob ang nagsusuyo kapag nagkakatampuhan silang dalawa. Siguro naman dapat lang na siya naman ngayon.
"Good morning po, Ninang!" Masigla niyang bati sa ina ni Jakob nang makatawid siya sa bahay ng mga ito.
"Good morning din, hija!" Nakangiti nitong tugon. Isa itong Pediatrician sa sariling clinic kaya okey lang na hindi rin ito pumasok kapag ganitong holiday. "Katukin mo na lang
