Mas dumalas pa ang pag-iisip ko tungkol kay Mark at sa tingin ko ay dahil iyon sa hindi na kami madalas na mag-usap at magpalitan ng text kagaya ng dati.
“That’s right, Yura. Kaya mo lang siya naiisip ay dahil hindi ka niya pinapansin! Noong pinapansin ka niya ay hindi naman siya sumasagi sa isip mo!”
Tuloy-tuloy pa rin ang pangungumbinsi ko sa sarili dahil pakiramdam ko ay iyon lang talaga ang dahilan kung bakit hindi mawala si Mark sa isip ko. Siguro ay frustrated lang ako dahil biglang parang umiwas na siya sa akin pagkatapos ng nangyari sa amin sa unit ko.
Ano bang iniisip niya tungkol doon? Big deal ba para sa kanya ang nangyari sa amin kaya bigla na lang siyang umiwas sa akin?
Napairap ako at napatitig sa phone ko. Mukhang kailangan lang talaga na bumalik ang communication namin
