Sa bungad lang naka-park ang sasakyan ko kaya agad kong nakita doon si Kuya Yuji na nag aabang na sa akin. Kitang-kita ko pa ang paglampas ng tingin niya sa akin at sigurado akong nakita niya kung sino ang mga nasa likuran ko.
Nang ibalik ni Kuya Yuji ang tingin sa akin ay alam kong magtatanong siya pero iniwas ko agad ang usapan.
“Let’s go? Baka ma-traffic pa tayo,” mabilis na sambit ko at tuloy-tuloy na sa pagpasok sa sasakyan. Sumunod si Kuya Yuji sa pagpasok sa sasakyan pero hindi niya inaalis ang tingin sa akin pero binalewala ko lang iyon at pinaandar ang sasakyan.
Nakalabas na kami sa YBSB nang magsalita siya. Tahimik pa rin ako at ayaw ko na sanang pag usapan namin ang tungkol kay Justin pero mapilit si Kuya Yuji at mukhang hindi talaga siya titigil hangga’t hindi nalalaman kung
