Tahimik siyang sumunod kay Matteo naglakad sa loob ng campus. Dumistansya nga siya at ayaw niyang masyadong malapit kay Matteo. Umaagaw kasi ito ng atensyon sa mga estudyanteng naglalakad. Maraming napapalingon at napapahinto pa nga ang iba pag nadadaanan si Matteo. Hindi naman niya masisisi ang mga kapwa niya babae, malakas kasi ang dating ni Matteo.
Paglabas nila sa campus ng University of San Rafael doon niya nakitang naka park ang magarang kotse ni Matteo.
"Saan tayo pupunta?' Tanong niya nang buksan ni Matteo ang passenger seat at pinasasakay siya.
"Sa penthouse, doon natin gagawin ang interview," tugon sa kanya ni Matteo.
Hindi siya kumibo nanatili lang nakatingin kay Matteo. Iniisip kung sasama siya kay Matteo at kalimutan na lang ang nangyari sa kanila kagabi at gawin niya ang
