Episode 10
Hindi ko akalain na sa simpleng pagkanta lang ni Trevor sa aking harapan ay nahulog na agad ako sa kanya. Parang gusto kong umiyak sa inis sa aking sarili kasi hindi naman ako ganito noon. Sa dami ng lalaki na dumaan sa buhay ko, bakit sa lalaking may amnesia pa ako nahulog?!
“Kira?”
“H-Huh?”
Mabilis akong napakurap sa aking mata at napatingin kay Trevor. Naghahanda na kaming umalis sa aming mga trabaho. Excited na din ako pumunta sa Music Beat Agency upang simulan ang aking trabaho.
“Aalis ka na ba?”
“A-Ah, oo. I-Ikaw ba?”
Kinagat ko ang aking dila.
Bakit ba ako nauutal?! Baka makahalata si Trevor sa akin.
Bahagya akong kinabahan nang makita kong kumunot ang kanyang noo at lumapit sa akin. Bahagya naman akong napaatras hanggang sa naramdaman ko nalang ang pader sa akin
