Austeja
Hindi ko na alam kung papaano ako haharap sa mga magulang ni Zigger at kay Mama pagkatapos ng mga nangyari kagabi. Hindi naman gano'n kalala, subalit nakakahiya pa rin.
Nakakatakot na baka makita nila sa mga mata ko na halos halikan na ako ng pinsan ko sa madilim na bahagi ng lugar na iyon. Baka pati nga iyong paghawak at pagpisil niya sa bewang ko ay malaman nila.
Pakiramdam ko ay isa na iyong malaking kasalanan na hindi ko alam kung may kapatawaran pa. Hindi ba't ang sabi rin ni Yura ay may girlfriend siya? Nakalimutan ba ni Zigger iyon kagabi?
Wala na rin akong nagawa nang isakay niya ako sa sasakyan niya. Buong byahe lang naman kaming tahimik ngunit nandoon pa rin iyong takot ko. Hindi man namin napag-usapan iyong nangyari, kinabahan pa rin ako.
Ni hindi man nga lang ako d
